Aalisarfittaarsuaq

Description

Kalaallit Nunaata siunissami nammineernerulernissaa pillugu atuakkiaq

Atuakkiortut nunatta siunissaa pillugu takorluukkersaarummik oqaluttuariaasillit qaqutiguulernikuupput. Inatsisartuni ilaasortaasimasoq aammalu Qeqertarsuarmi borgmesteriusimasoq Lars Karl Jensen takorluukkersaarummik atuakkiorpoq.

Atuakkami ersersinniarneqarpoq, siulitta ataqqinassusaat kulturiallu katannagu nunarput ineriartortariaqartoq atuakkami oqariartuutigineqarlu; siunissami pisussat aalisarfittaarsuaqarnikkut inuillu nutaaliatut pissusillit utoqqarnulli ataqqinnittut matumani ersersinneqarput. Nuna nammineertoq nukittuunillu inuttalik matumani pineqarluni, soorluttaaq inuttat akornanni asanninneq mininneqanngitsoq.

Lars Karl Jensen politikkeriusimanera atuakkiornerani malunnarpoq, atuagaq atuaruminartuuvoq nunattalu nammineerluni ineriartornissaa pillugu assorsuaq nutaamik eqqarsaatissiinermik imaqarluni.